ابوظهبي 12 جنوري (اے پي پي) وزيراعظم محمد شهباز شريف وئيلي دي پاكستان كښې د سرمايه كارۍ پراخه موقعې موجود دي٬ حكومت سرمايه كارو ته غوره سهولتونه وركولو لپاره هر ډول ممكن اقدامات كوي۔ د دې خيالاتو څرګندونه ده د زيارت په ورځ د متحده عرب امارات د سرمايه کارو پلاوي سره په ملاقات كښې كړې۔ د ملاقات په مهال د خزانې وفاقي وزير اسحاق ډار، د دفاع وفاقي وزير خواجه محمد آصف، د هوا بازۍ وفاقي وزير خواجه سعد رفيق ، د سرمايه كارۍ بورډ وفاقي وزير سالك حسېن او نورو لوړ پورو ګډون كولو۔ د يو اے اي په پلاوي كښې د ابوظهبي ډويلپمنټ هولډنګ کمپنۍ (اے ډي کيو) چيف اېګزيکټو آفيسر محمد حسن السويدي او د انټرنيشنل هولډنګز کمپنۍ (آئي اېچ سي) منيجنګ ډائريکټر سيد بصر شعيب او نور شامل وو۔ پلاوي سره په خبرو كښې وزيراعظم محمد شهباز شريف ووئيل پاكستان كښې د سرمايه كارۍ پراخه موقعې موجود دي٬ حكومت سرمايه كارو ته غوره سهولتونه وركولو لپاره هر ډول ممكن اقدامات كوي۔ د ملاقات په مهال پلاوي ته په پاكستان كښې د سرمايه كارۍ موقعو پحقله تفصيلي بريفنګ وركړے شو٬ پلاوي ته خوراك او زراعت، هوا بازۍ، توان، د متبادل توان پشمول د نمر توان، مالياتي خدمات، د صحت پالنې٬ صنعت، لاجسټکس او د رئيل اسټېټ په څانګو كښې د پاكستان جيو اکنامك په صلاحيتونو بريفنګ وركړے شو۔ په دې موقع محمد حسن السويدي د اے ډي کيو په نړيواله كچه موجودګي زياتولو او په پاكستان كښې كاروبار او د سرمايه كارۍ پحقله خپله خوښي څرګنده كړه٬ د يادونې وړ ده اے ډي كيو د منځني ختيز په منطقه كښې تر ټولو لويه هولډنګ کمپنيو كښې يوه ده چې په ابوظهبي كښې د نان آئل معيشت په كليدي څانګو كښې احاطه كونكې د لويو كاروباري ادارو متنوع پورټ فوليو لري
د پاكستان حكومت سرمايه كارو ته غوره سهولتونه وركولو لپاره هر ډول ممكن اقدامات كوي۔ د وزيراعظم شهباز شريف د متحده عرب امارات د سرمايه کارو سره خبرې
مضمون کا ماخذ : قدیم مصری کلاسک
متعلقہ مضامین
