اسلام آباد۔6 جولائی (اے پی پی) پاکستان او متحده عرب امارات د تجدید وړ انرژی پروژو لپاره د تفاهم یادښت لاسلیک کړے۔ د زيارت په ورځ د وزيراعظم د دفتر د ميډيا څانګې لخوا جاري شوي بيان له مخې وزيراعظم شهباز شريف سره د كاپ 28 صدر او موسمياتي بدلون لپاره د متحده عرب امارات خصوصي استازي او د سائنس او ټېكنالوجۍ وزير ډاكټر سلطان احمد الجابر په مشرۍ كښی د اعلی كچې يو پلاوي ملاقات وكړو۔ په دې موقعه د دواړو هېوادونو ترمينځه په پاكستان كښې د تجديد وړ انرجي پروژو د پراختيا لپاره د تفاهم يو يادښت هم لاسليك شو۔ وزیراعظم د پلاوي هركلي كولو سره د دواړو هېوادونو ترمينځه د اعلی كچې تبادلې په اهميت زور راوړو۔ ده ډاكټر سلطان احمد الجابر ته د كاپ 28 صدر په توګه په تعينات كېدو مباركي وركړه۔ وزیراعظم د كنفرنس كاميابۍ او د متحده عرب امارات مشرتابه لپاره د نېكو هيلو څرګندونه وكړه۔ دا كنفرنس به د روان كال 30 نومبر څخه تر 12 دسمبر په دبۍ كښې كېږي۔ وزيراعظم د تېر كال سخت سېلاب په مهال د پاكستان په مرسته كولو د متحده عرب امارات مننه وكړه۔ ډاكټر سلطان احمد الجابر د متحده عرب امارات د مشرتابه لخوا وزيراعظم ته د نېكو هيلو پېغام ورسولو۔ ده په ټولو څانګو كښې همكارۍ كولو كښی خوښي ښكاره كړه۔ په دې موقعه د خزانې وفاقي وزير اسحاق ډار ٬ د موسمياتي بدلون وفاقي وزيره شېري رحمان ٬ د پټروليم وفاقي وزير مصدق ملك او د وزيراعظم خاص مرستيال سید طارق فاطمی او نور اعلی چارواكي هم موجود وو۔
وزيراعظم سره د كاپ 28 صدر ډاكټر سلطان الجابر په مشرۍ كښی د پلاوي ملاقات ٬ د پاکستان او متحده عرب امارات ترمينځه د تجدید وړ انرژی پروژو لپاره د تفاهم په یادښت لاسلیک
مضمون کا ماخذ : خیبر پختونخوا لاٹری
متعلقہ مضامین
.jpg)
