اسلام آباد۔21مارچ (اے پی پی) وزیراعظم شهباز شریف وئيلي دي د عصري ټېكنالوجۍ د لارې راتلونكو نسلونو ته د زده كړو آسانۍ وركول بايد زمونږ د ژوند مقصد وګرځي٬ د زده كړو وفاقي وزير دې صوبو سره په ګډه يو كوټلې پروګرام وضع كړي په كوم كښې چې استاذانو ته ټېبلټس وركړے شي٬ د استاذانو او زده كوؤنكو حاضري دې ډیجیټائز كړې شي او كوم ماشومان چې باقاعدګۍ سره سكولونو ته راځي د هغوي دې ډاډګيرنه وكړې شي۔ د نهې په ورځ وزيراعظم شهباز شريف په پي اېم هاؤس كښې د ټېلی سکول پاکستان اېپلی کېشن پرانستې په موقع دستورې ته خطاب كولو۔ وزیراعظم ووئيل د زده كړو په لړ كښې د عصري ټېكنالوجۍ د لارې زده كړو ته ورده وركولو له دا يو په زړه پورے ګام دے۔ په دې وزيراعظم د تعليم وفاقي وزير ٬ د تعليم سېكرتري او د پي ټي سي اېل په شمول ټولو اړوندو چارواكو له مباركي وركړه۔ ده ووئيل په پنجاب كښې مې په خپل 10 كلنه دور كښې ليدلي چې د استاذانو د تربيې معيار ښه نه دے ٬ په پنجاب كښې د استاذانو د تربيې 40 مركزونه ماته ښه ياد دي٬ د دې سمون له مې يو شمېر ګامونه پورته كړي ٬ د تعليم وفاقي وزير دې صوبو سره په ګډه استاذانو ته ټېلېټس وركولو له پروګرام جوړ كړي۔ د استاذانو او زده كوؤنكو حاضري دې ډیجیټائز كړې شي او كوم ماشومان چې باقاعدګۍ سره سكولو ته راځي د هغوي دې ډاډګيرنه وكړې شي۔ وزيراعظم ووئيل د ګرد هېواد ذهين زده كوؤنكو ته 100 زره لېپ ټاپس وركول پېل كوؤ كوم چې په اوړو كښې د مالګې برابر دي۔ ده ووئيل كه مونږ له زده كوؤنكي هلكان او انجونې د زده كړو په كالو سنګارول وي نو دوي له به د لېپ ټاپ په څير نوي آلات وركول وي۔ ده ووئيل د حكومت كار دا نه دے چې هغه ودانۍ جوړې كړي او وخت ضائع كړي بلكې د دې په ځاے به ماشومانو ته د زده كړې آسانۍ وركولو پلو پام ګرځول وي۔ ده ووئيل ګرد هېواد كښې د غوره نجي څانګو خذمات بايد ترلاسه كړې شي چې هغوي زده كوؤنكو ته تربيه وركړي۔ مونږ ډي اېف آئي ډي سره سوئيلي پنجاب څخه دا پروګرام پېل كړے ؤ او په ټول پنجاب كښې د زرګونو په شمېر زده كوؤنكي تربيه كړے شوي۔ دې سره سره مونږ اېجوکیشن انډومنټ فنډ جوړ كړے كوم څخه چې يتيمانو او مستحقو ماشومانو استفاده وكړه۔ ده ووئيل د دانش سكول په څير په ګرد هېواد كښې تعليمې ادارې جوړوو۔ د بلوچستان لرې پرتو سيمو كښې به دانش سكولونو لپاره په ګډه د روپو بندوبست كوؤ۔ وزیراعظم ووئيل ټېلي سكول پاكستان اېپ يو ښه ګام دے٬ دا بايد لا پراخه كړے شي٬ ډیجیټائز زده كړو ته دې وده وركړې شي ٬ دې لپاره چې څومره خواري كېدې شي هغه دې وكړې شي او ترلاسه وسائل دې وكارولے شي او په راروان بجټ كښې دې منصوبه رامخې ته كړې شي۔ وزیراعظم ووئيل په اسلام آباد كښې د استاذانو د تربيې مركز شته ٬ وفاقي وزير سره به د دې صورتحال معلومولو له دغې مركز ته ځم۔ ده ووئيل دا مركز دې هم په عصري ټېكنالوجۍ سنګار كړے شي۔ په دستوره كښې عرفاق صديقي او د قامي اسمبلۍ غړې وجيه اكرم هم موجود وه۔ په دې موقع وزيراعظم ماشومانو ته كروم بكس وركړل او د ټېلي سكول پاكستان اېپ پرانسته يۍ وكړه
د عصري ټېكنالوجۍ د لارې راتلونكو نسلونو ته د زده كړو آسانۍ وركول بايد زمونږ د ژوند مقصد وګرځي٬ د شهباز شريف دستورې ته خطاب
مضمون کا ماخذ : گرم سے زیادہ گرم
متعلقہ مضامین
.jpg)
.jpg)
