ليك: یی ژین
ترجمه: ډاكټر واحد الله ايوب
د بېجينګ ونټر اولمپيک لوبو د پرانستلو په مراسمو کښې ټولو بهرنيو شخصيتونو سره د پاکستان وزيراعظم عمران خان ګډون او چين ته د ده سفر لوبې سره د ده د مينې او لېوالتيا او د دواړو هېوادونو ترمنځ د پيوستون څرګندونه کوي.
په پاکستان کښې د وڼتر لوبو له امله د خلکو لېوالتيا زياته شوې ده. دا هیواد د سكيينګ سلوپ لوړ غرونه لري۔ د چین په مرسته د قراقرم لویه لار د پاکستان شمالي برخه د هیواد له نورو برخو سره تړي كوم چې خلکو لپاره په شمال کښې د ژمي لوبو كتل اسانوي ۔ د پاکستان لوبډلې هم د بیجنګ په ونټر ګېمز كښې مبارزه كړې په كومه كښې چې اتھلېټ محمد كريم په سلالوم مقابله كښی برخه اخستې۔
د اولمپیک لوبې خلک يو ځائې كوي۔ هغه هر څه چې په ونټر ګېمز كښې رامخې ته شول ممكنه ده چې هغه به د بېن المللي اړیکو لپاره د مایکروکوزم په توګه کار وکړي.
زمونږ نړۍ به یقینا یو ښه ځايې جوړ شي که چیرې هیوادونه د خپلو لوبغاړو څخه یو یا دوه شیان زده کړي.
د صفر مجموعې لوبې په ځائې ټول یوځايې پورته کول
مونږ د لوبو په مهال په مکرر ډول د سپورټس مېن شپ نه اثر اخلؤ۔ دا شېبې د سیالۍ څخه بهر ځي او هغه څه نندارې ته وړاندې کوي كوم چې اولمپېک په حقيقت كښې لري۔ د صفر مجموعې لوبه نه ده چې نور لوبغاړي ښكته كړي مګر دا چې يو لوبغاړې خپل ځان لا ښه كړي۔
دا د يو هېواد د بل هېواد سره اړيكو لپاره یو حقیقت لري۔ نور هېوادونه په اقتصادي ٬ عسكري او ټېكنالوژيكي توګه وړاندې تللو نه ساتل دومره ښه نه دي څومره چې خپل ځان ښه كول او وړاندې كول دي۔ د نړیوالتوب په دې دور کښې، د هیوادونو ګټې یو بل سره تړلې دي، او د نړۍ په یوه برخه کښې کوچني ګامونه د ټول انسانیت لپاره لويې ګام وړاندې کولی شي. چین او پاکستان په دې لړ کښې ښه مثالونه وړاندې کړي دي۔
په تاریخ، کلتور او ملي حالاتو كښې د زيات فرق لرلو باوجود زمونږ دواړه هیوادونه نه یوازې د سولې او سوکالۍ په وخت کښې بلکې د رامخې ته كېدونكو چېلنجونو مخنيوي له هم يو بل سره څنګ په څنګ پاتې شوي دي۔ دا هغه اړيكي دي كومې چې د شريك ملاتړ ٬ باور او احترام لخوا مشخص كېږي۔
پراختيا او درناوی
د نړۍ له ګوټ ګوټ څخه د اتھليټس راټولېدل د ملي ، کلتوري یا نژادي توپیرونو پرته د تفاهم ، درناوي او ملګرتیا لپاره فرصت برابروي. کله چې جاپاني سکېټر یوزورو هانیو، چې دوه ځله د اولمپېک اتل پاتې و، د خپل فعالیت په مهال په ناممکن ډول ستونزمن څلور اړخیز اکسل، یا “4A “ته د رسیدو په برخه کښې پاتې راغی، په ځائي او نړيواله كچه ليدونكو د هغه ستائنه وكړه۔
دې ډول پراخا ذهنیت او درناوی ته په يو داسې وخت كښې زياته اړتيا ده کله چې د ځينې معلوماتو په بنياد خلك د ذهنونو تنګوالي سره مخ كېږي۔ دوئي دې يو ډول وپېژندلې شي ٬ د دوئي په اړه دې واورېدلې شي او دوئي دې وليدلې شي۔ داسې په نړیوال سیاست کښې هم بايد وكړې شي۔ هېوادونه بايد په ګډه كار كولو سره د نړۍ په چارو خبرې وكړي۔
ګډ سباؤن لپاره يو ځائې كېدل
د نړيوالې وبا باوجود د بېجينګ ونټر لوبې د خپل كرڼلار لمخې وكړې شوې چې په خپله د اولمپيک له شعار سره سم د نړيوال يووالي يوه د پام وړ څرګندونه ده. د تنظیم کمېټۍ د ټولو ګډون کونکو لوبډلو، او آئي سي ٬ د روغتیا نړیوال تنظيم او د نورو ډېرو نړیوالو تنظيمونو ملاتړ نه غېر دا ډول بریالۍ لوبې یوځاې راجمع كولې نه شوې۔
په ډیری لارو كښې ، هغه نړیوال کلی چې مونږ پکښې ژوند کوو اتھليټس لپاره د اولمپیک کلي نه بدل نه دے۔ لکه څنګه چې د آئي او سي صدر توماس باک د پرانیستې په مراسمو کښې ووئیل، “دا ممکنه ده چې د سختو حريفانو پاتې كېدو باوجود يو بل سره په سوله ایزه او درناوي سره يو ځايې ژوند وكړؤ” دا پیغام باید د نړۍ په هر ځايې کښې سیاستوال او پریکړه کونکي له لاسه ورنکړي.
لکه څنګه چې د بېجينګ ونټر لوبې پايې ته ورسېدې ٬ د دې تلپاتې قيمت په سرو او سپينو زرو تللې نه شي٬ بلکې دا د اتھليټس په ورورولۍ کښې موندل كېږي كوم چې په بیجینګ کښې يو ځائې شؤ۔ مونږ باید دا زړه راښکونکي شېبه تېرېدو ته ورنكړؤ ، بلکه د سپورټ قوت ته غاړه وركړؤ كوم چې مونږ ټول يو ځائې كړي۔
د بېجينګ د اولمپيک لوبو تر پرانستلو مخکښې، يو شمېر پاکستاني تنکيو ځوانانو د بيجنګ 2022 برياليتوب په اړه د خپلو هيلو څرګندولو له لنډې ويډيوګانې جوړې کړې۔ دا د دې ونټر اولمپېک لوبو يوازې يو كوچنې مثال دې چې د هېوادونو ترمنځ د يووالي قوت په توګه کار کوي. په یوه ټوټه شوې نړۍ کښې، مونږ د چین او پاکستان په څیر د پیوستون لا زیاتې جذبې ته اړتیا لرو، دغسې چې انسانيت لپاره يو ګډ او ښه سباؤن باوري كړؤ۔
لیکوال په بېجینګ کښې په نړیوالو چارو ژور نظر لرونكې دې۔
په بېن المللي اړیکو د بیجینګ ونټر اولمپكس اثرات
مضمون کا ماخذ : números dupla sena
متعلقہ مضامین
.jpg)
